ATEF Şirkətlər Qrupu AzərEnerji ASC-nin sifarişi əsasında strateji əhəmiyyətli enerji obyekti olan 330/220/110/10 kV-luq “Yaşma” yarımstansiyası üçün iki ədəd avtotransformatorun istehsalını başa çatdırıb.
Artıq 250 MVA gücündə 330/110/10 kV-luq birinci transformator istismara verilib. Şirkətin mütəxəssisləri tərəfindən həyata keçirilən ikinci transformatorun quraşdırılma işləri isə davam etdirilir.
Qeyd edək ki, Xızı rayonunda yerləşən “Yaşma” yarımstansiyası Abşeron yarımadasının və Azərbaycanın şimal-şərq rayonlarının enerji təchizatında böyük əhəmiyyətə malikdir. Rusiya və Azərbaycan enerji sistemləri arasında yük mübadiləsini həyata keçirən mühüm düyün nöqtəsi olan yarımstansiya 50 il əvvəl tikildiyindən istismar müddətini başa vurmuşdu.